Ástríðuávöxtur

Ástríðuávöxtur (Passiflora edulis) eaða Passion fruit upp á enska tungu hefur ekki fastmótað aldinkjöt eins og flestir ávextir heldur seigfljótandi vef með hundruðum trefjaríkra fræja. Ávöxturinn er einnig C-vítamínríkur sem stuðlar að eðlilegri starfsemi taugakerfisins. Ástríðuávöxtur er tilvalin í eftirrétti, sultur eða í sætar sósur.

Hvernig er best að geyma ástríðuávöxt?

Það tekur ástríðuávöxt um 2-5 daga að verða fullþroskaður í stofuhita, en eftir það geymist ávöxturinn í allt að viku í kæli.

Notkunarleiðbeiningar

Þvoið ávöxtinn vel fyrir notkun. Skerið smá bita af hýðinu með hníf. Setjið gatið upp að munni og kreystið innihald úr. Ef það á að nota hann í salat eða bakstur er best að skera ávöxtinn í tvennt og nota svo skeið til að hreinsa fræin úr.