Kókoshneta

Kókoshneta (Cocos nucifera) er með harða skel, en fyrir innan er þykkt lag af trefjakenndu þéttu hvítu aldinkjöti. Í kjarna hnetunnar er sætur og bragðgóður kókossafi. Kókoshnetan er fitu- og trefjarík. Gott er að nýta kókossafann í drykki og hægt er að nýta kjötið í bakstur, í salatið eða borða eitt og sér.

Hvernig er best að geyma kókoshnetu?

Óopnuð kókoshneta geymist í kæli í allt að tvo mánuði. Eftir opnun geymist kókoskjötið í nokkra daga í kæli.

Notkunarleiðbeiningar

Byrjið á því að tappa vökvan úr kókoshnetunni. Notið tappatogara til að gera holu í gegnum hnetuna og látið vökvann renna í skál. Með fullri varúð er tekinn beittur hnífur og honum slegið á kókoshnetuna miðja. Endurtakið allan hringinn þar til hún opnast.