Steinselja ítölsk

Steinselja (Petroselinum crispum) er til í tveimur afbrigðum, með hrokkin blöð og slétt. Hún er krydd við matargerð og einnig notuð sem grænmeti. Algeng við matargerð í Evrópu, Ameríku og í Mið-austurlöndum. Steinselja með hrokkin blöð er gjarnan notuð til skrauts t.d. með smurbrauði og á kartöflurétti. Steinselja er sérdeilis C-vítamínrík auk þess að vera K- vítamíngjafi.

Hvernig er best að geyma steinselju?

Fersk steinselja geymist ágætlega í kæli. Einnig má setja hana í ílát með vatni eða skera hana smátt og frysta í ísmolum til lengri geymslu. Steinselju má einnig þurrka.

Notkunarleiðbeiningar

Skolið steinselju vel áður en hennar er neytt.