Grillsumarið Mikla er hafið!

Herferðin Grillsumarið Mikla er orðin að árlegum viðburði og stendur yfir eins og nafnið gefur til kynna þegar grilltímabilið stendur sem hæst.

Þetta árið leitar Grillsumarið Mikla að liðum til að keppa um titilinn „Grillmeistarar Íslands 2015“. Liðin samanstanda af 3 til 5 einstaklingum sem eru ástríðu grillarar. Hóparnir eiga möguleika á að vinna helgarferð fyrir hópinn til Evrópu á vegum Heimsferða.

Grillsumarið Mikla velur 8 lið sem berjast um titilinn Grillmeistarar Íslands 2015. Liðin fá afhenta leyndardómsfulla matarkörfu fulla af girnilegu hráefni. Í kjölfarið þarf liðið að koma sér saman um 2 rétti sem þarf að matreiða á 60 mín með því að nota einungis grill og ímyndunaraflið. Þáttastjórnandinn Áslaug Arna ásamt tökumanni mæta og taka fjörið upp. Þættirnir verða birtir á YouTube og á MBL.is og munu atkvæði skera úr um hvaða lið hlýtur titilinn Grillmeistarar Íslands 2015.

Skráning stendur nú yfir og þurfa liðin að vera búin að skrá sig fyrir lok maí. Allar upplýsingar er að finna inn á GrillsumaridMikla.is

By | 2017-04-25T10:17:40+00:00 22.05.2015|Categories: Fréttir|Tags: , , , |