Grafísk hönnun á Íslandi – FÍT keppnin 2015

Með stolti og þökkum óskum við Oscari Bjarnasyni til hamingju með FÍT viðurkenninguna sem hann hlaut fyrir nýtt myndmerki Innnes, sem hann teiknaði fyrir okkur. Merkið þykir afar fallega framsett og gefa samstundis til kynna starfsemi fyrirtækisins.

Félag íslenskra teiknara stendur fyrir hönnunarsamkeppni í fimmtánda sinn. Grafískir hönnuðir og teiknarar hérlendis sendu inn sín bestu verk sem unnin voru á árinu 2014. Dómnefnd valdi þau verk sem þóttu skara fram úr og verkin sem unnu til verðlauna og viðurkenninga eru sýnd á veglegri sýningu Skúlagötu 30, dagana 13.-15. mars. (Fös.12:00–20:00, Lau.12:00–17:00, Sun.13:00–17:00).