(function(i,s,o,g,r,a,m){i['GoogleAnalyticsObject']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.data-privacy-src=g;m.parentNode.insertBefore(a,m) })(window,document,'script','//www.google-analytics.com/analytics.js','ga'); ga('create', 'UA-55482491-1', 'auto'); ga('require', 'displayfeatures'); ga('send', 'pageview');

Soho Grillvinafélagið eru Grillmeistarar Íslands 2015

Soho Grillvinafélagið bar sigur úr býtum í keppninni Grillsumarið Mikla. Liðið hlýtur þar með titilinn Grillmeistarar Íslands 2015 og fá liðsmenn ferð til Búdapest með Heimsferðum að launum.
Keppnin um Grillmeistara Íslands hefur staðið yfir í allt sumar en sjö lið skipuð þremur til fimm ástríðugrillurum öttu kappi um titilinn Grillmeistarar Íslands 2015. Liðin fengu úrvals hráefni til að elda úr og áttu að grilla tvo rétti á 60 mínútum. Sjónvarpsþættir um hvert lið voru sýndir á mbl.is og Youtube og vöktu mikla athygli.
Það lið sem fékk síðan flest „like“ á Facebook vikuna 13. til 20. ágúst fór með sigur af hólmi. Soho Grillvinafélagið fékk 11 þúsund „like“ en liðið í öðru sæti, Gaman að grilla, 6 þúsund.
Meðlimir Soho Grillvinafélagsins eru fimm ungir menn búsettir í Keflavík sem hafa sérstakan áhuga á grillmat og bjór og eru einstaklega gestrisnir. Í keppninni buðu þeir upp á dýrindis máltíð. Fordrykkurinn var ferskur sumardrykkur úr ananas og myntu, aðalrétturinn samanstóð af grilluðu nauta-ribeye og grillaðri tígrisrækju ásamt kartöflum og grænmeti og í eftirrétt buðu þeir upp á grillaða ávexti með súkkulaði ívafi.
Sjónvarpsþættina sjálfa má finna á heimasíðu Grillsumarsins Mikla, www.grillsumaridmikla.is.
Grillsumarið Mikla hefur undanfarin ár framleitt matreiðsluþætti sem sýndir hafa verið í sjónvarpi. Í sumar var ákveðið að breyta út af vananum og standa fyrir óhefðbundnum grillþáttum sem sýndir voru á mbl.is. Keppnin gekk framar vonum og vakti mikla athygli. Keppendur sýndu frumlegheit við eldamennskuna og buðu uppá girnilega og heldur óvenjulega grillrétti.
Liðin fóru einnig ólíkar og óhefðbundnar leiðir við atkvæðasöfnun. Örfáir keppendur kvörtuðu yfir því að einhver lið í keppninni hafi sótt í veitur á netinu og keypt sér „like“. Ljóst var frá upphafi að hvert lið hafði sjö daga til að safna atkvæðum og það lið sem myndi safna flestum atkvæðum færi með sigur af hólmi. Engar skorður voru settar á hvar liðin gætu sótt atkvæði. Eftir að hafa skoðað málið frá öllum hliðum er niðurstaðan sú að engar reglur voru brotnar. Reglurnar verða þó endurskoðaðar fyrir næsta ár.
Öllum þátttakendum og þeim sem komu að Grillsumrinu Mikla er þakkað fyrir óvenju skemmtilega keppni.
Grillsumarið Mikla er í eigu matvöruheildverslunarinnar Innnes.

20150821_131808_HDR

|2017-04-25T10:17:40+00:0020.08.2015|Flokkar:|Tögg: , , |
Innnes notar vafrakökur (e. cookies) m.a. til að bæta upplifun þína og virkni síðunnar. Skoða nánar Ég samþykki

Vefhegðun

Þegar notendur heimsækja vefsvæði Innnes áskilur félagið sér rétt til að safna ákveðnum tæknilegum upplýsingum um heimsóknina, þ.m.t. tegund vafra, hvaða síður notendur nota innan vefsvæðisins, tímann sem notendur verja. Þetta gerum við m.a. til að bæta upplifun notenda af vefsvæðinu, en upplýsingarnar eru ekki greindar frekar niður á einstaka notendur á persónugreinanlegan hátt. Vefsvæði Innnes takmarkast við lénin www.innnes.is en ekki aðra vefi sem vísað getur verið í af vefsvæðinu (t.d. vefsíður birgja) og ábyrgist Innnes hvorki innihald þeirra né meðferð upplýsinga á þeim svæðum.

Persónuupplýsingar

Innnes notar ekki persónuupplýsingar þínar í neinum öðrum tilgangi en þeirra var aflað og leggur mikið upp úr því að tryggja öryggi þeirra.