Ilmandi epli með kanil rjómaostakremi og daimkúlum 2014-07-30T10:31:46+00:00

Project Description

Ilmandi epli með kanil rjómaostakremi og daimkúlum

eftirréttur f. 4.

  • 4 stk epli (t.d. Honey crunch eða Pink lady)
  • 4 kanilstangir
  • 150gr púðursykur
  • 3 msk smjör (mjúkt)
  • 100 gr sýrður rjómi 36%
  • 100 gr Philadelphia rjómaostur, natural
  • safi úr ½ sítrónu
  • Daim kúlur

Aðferð:

Takið kjarnann innan úr eplunum með eplakjarnhreinsi en ekki fara alla leið í gegn, skiljið botninn heilann eftir og mokið fræjunum uppúr i gegnum toppinn. Skerið smjörpappír í ferninga 20x20cm og álpappír í 25×25 cm ferninga. Leggið bökunarpappírinn ofan á álpappírinn og eplin þar á miðjuna.
Hrærið saman smjöri og púðursykri og troðið því vel í miðjuna á eplunum og stingið svo kanilstöng þar ofan í svo hún standi lóðrétt upp. Pakkið eplununum inn í pappírinn og látið kanilstöngina standa uppúr eins og stromp. Setjið eplin á grillið og látið hitna vel í gegn í u.þ.b. 12-15 mín. Hrærið saman sýrðum rjóma, rjómaosti og sítrónusafa þar til áferðin er orðin silkimjúk. Takið kanilstöngina úr eplinu og setjið kremið þar ofan á, toppið svo með daimkúlum og berið fram.

Project Details

Categories: