Kóreskt Nauta Taco 2014-09-12T11:51:18+00:00

Project Description

Kóreskt Nauta Taco

Nautalund og marinering:

  • 800-1000 gr. nautalund
  • 4 msk sykur
  • 2 msk soya sósa frá Blue Dragon
  • 1 msk maukað chilli frá Blue Dragon
  • 1 msk sesamolía frá Enso
  • safi úr 1 límónu
  • salt og pipar
  • 4-6 tortillur

Aðferð:

Verkið sinar af nautalundinni og komið fyrir í skál eða fati. Hrærið saman sykri, soya, chilli mauki, sesamolíu og límónusafa og hellið yfir kjötið, látið marinerast í a.m.k. 30 mín.
Grillið lundina í 1 mín á hverri hlið á heitu grillinu, setjið svo upp á efri grind og látið vöðvann eldast þar í rólegheitum áfram þar til það er fulleldað, muna bara að snúa því reglulega.
Gott er að nota kjarnhitamæli og viljum við ná kjarnhitanum upp í 55°c áður en kjötið er tekið af grillinu og hvílt í 10 mín.

Marinerað grænmeti:

  • 1 meðalstór gulrót
  • 20 sykurbaunir
  • 1 rauðlaukur
  • safi úr 2 límónum
  • 1 tsk ylliblómaedik frá Meyers
  • 1 msk sesamolía frá Blue Dragon
  • salt

Aðferð:

Skerið gulræturnar og rauðlaukinn næfurþunnt á mandólínjárni, skerið baunirnar svo í fína strimla. Bætið ediki og límónusafa saman við og látið standa í 30 mín áður en borið fram. Kryddið með ögn af salti við framreiðslu. Þegar allt er tilbúið er tortillunum aðeins skellt á grillið og þær eru tilbúnar um leið og það eru komnar grillrendur á þær. Þegar trotillurnar eru tilbúnar er kjöti, káli og grænmeti bætt á tortilluna og henni svo rúðllað upp. Þessi réttur er borinn fram með tortillum, ferskum salatblöðum, söxuðum vorlauk, pickluðu engifer og jafnvel chili fyrir þá sem vilja enn meiri hita í réttinn.