HEINZ KYNNIR TÓMATSÓSUTRUFFLUR:
HIN FULLKOMNA ‘VALENHEINZ’ GJÖF FYRIR ÞÁ SEM ELSKA TÓMATSÓSU

Líkt og súkkulaðiunnendur geta tómatsósuunnendur nú glaðst þennan Valentínusardag, eða eigum við að segja ‘ValenHeinzdag’? Það er vegna þess að – ef þeir láta löngun sína í ljós fyrir ástvini sínum – gætu þeir upplifað að opna kassa af Heinz tómatsósutrufflum þann 14. febrúar.

Já, ein vinsælasta tómatsósa í heimi ásamt sérfræðingum í konfekti hjá Fortnum & Mason, hafa nú sameinað hið sanna bragð af yndislega þykkri og bragðmikilli Heinz tómatsósu sem þú þekkir og elskar, með lúxus, flauelsmjúku súkkulaði, í einstakri pörun þar sem til hefur orðið hin fullkomna Valentínusargjöf fyrir tómatsósuunnandann í lífi þínu.

Þessari dásemd er handpakkað í hjartalaga box, þar sem 150 ára reynsla Heinz ásamt sérþekkingu súkkulaðiframleiðandans Fortnum sameinast í að skapa níu yndislegar súkkulaðitrufflur fyrir þig og ástvin þinn að deila.

Kassinn inniheldur sambland af trufflum, húðuðum með mjólkursúkkulaði, hvítu súkkulaði og dökku súkkulaði, fylltar með ljósri súkkulaðikremfyllingu og Heinz tómatsósu. Ferska og skarpa tómatbragðið úr tómatsósunni springur í gegnum silkimjúku, rjómalöguðu fyllinguna með sætum endi.

„Við erum ótrúlega spennt fyrir því að fagna rómantískasta degi ársins með þessari glæsilegu pörun tengt Valentínusardeginum – Fortnum & Mason Heinz tómatsósutrufflum!

Sophie Young, innkaupastjóri hjá Fortnum & Mason sagði:

“Þegar verið var að þróa uppskriftina tóku súkkulaðiframleiðendur okkar tillit til bragðsins af kakóinu sem og hinu vinsæla Heinz tómatsósubragði og samþættu í góðu jafnvægi hið rjómakenda bragð af súkkulaði við kraftmikið tómatsósubragðið . Þeir hafa þróað eitthvað sannarlega og ótrúlega ljúffengt og sýna fram á getu Fortnum til að búa til einstaka og spennandi pörun sem mun vekja athygli tómatsósuáhugafólks og fullnægja jafnvel fágaðustu sælkerum. “

Kassann er hægt að kaupa hjá https://www.fortnumandmason.com/ fyrir rúmar 3.000 krónur, í takmarkaðan tíma frá 30. janúar – 14. febrúar – á meðan birgðir endast.

Farið inn á https://www.fortnumandmason.com/ til að kaupa kassa af Heinz tómatsósutrufflum.