English Tea Shop 2017-05-22T15:39:37+00:00

English Tea Shop

English Tea Shop er fyrirtæki sem elskar te. Vörurnar þeirra eru fyrsta flokks lífrænar lífsstílsvörur fyrir fólk sem leggur áherslu á vellíðan sína og velferð umhverfisins.
Hvert sem tilefnið er mun te frá ETS ávallt koma þér á óvart með ótrúlega breiðu úrvali af fyrsta flokks te; allt frá klassísku English Breakfast til spennandi jurtablandna, allt frá einföldum tepokum til lúxus gjafaaskja.
En ETS elskar ekki bara te heldur bara umhverfið allt og fólkið í því. Þess vegna hefur ETS tileinkað sér bæði vistvæna og félagslega ábyrga starfshætti ásamt því að tryggja 100% rekjanleika allra afurða. Fyrirtækið kaupir eingöngu lífrænar afurðir sem ræktaðar eru af smábændum og innihalda allt það dásamlega sem jörðin gefur okkur. Þessir bændur gera sitt besta til að ná sem bestri uppskeru úr jarðveginum án þess að nota skordýraeitur og önnur áburðarefni. Að auki berjast bændurnir við að minnka kolefnisfótspor með því að draga úr úrgangi og stuðla að sjálfbærni plánetunnar okkar. ETS greiðir bændunum bónus ofan á Fairtrade verð hráefnisins til þess að hvetja þá enn frekar til að auka lífræna framleiðslu. Það tryggir bæði velferð neytendanna ásamt því að forða jörðinni okkar frá skaðlegum áhrifum kemískra áburða. Engar erfðabreyttar afurðir eru notaðar í ETS vörur, hvorki í innihald né umbúðir. ETS notar vistvænar umbúðir og er fyrirtækið einnig staðráðið í því að auka enn á hlutfall handvirkra ferla í pökkuninni til þess að minnka kolefnisfótsporið enn meira ásamt því að skapa fleiri störf við verksmiðjuna. Verksmiðjan þeirra er í Sri Lanka, landi sem þekkt er fyrir te í fremsta gæðaflokki og gæti kallast miðstöð tepökkunar í heiminum. ETS leggur metnað sinn í að bjóða viðskiptavinum sínum besta mögulega teið ásamt því að vernda umhverfið eins og mögulegt er. Verksmiðjan þeirra er meðal annars með BRC UK gæðavottun, ISO 22000 öryggisvottun, ISO 9001 gæðavottun, lífræna vottun og sanngirnisvottun (fairtrade).
ETS ábyrgist að allt te frá þeim er pakkað í þeirra eigin verksmiðju og að öll innkaup á hráefnum fari fram eftir vandlega skoðun á hverjum lið í aðfangakeðjunni. Auk gæðaeftirlitsins á hráefninu sjálfu er gengið úr skugga um að allir þeirra birgjar tileinki sér sjálfbæra framleiðsluhætti til þess að tryggja að ETS stuðli að verndun jarðarinnar fyrir kynslóðir framtíðarinnar. Enn fremur tryggir fyrirtækið að öll hráefni séu rekjanleg alla leið frá laufi í bolla.
Allt þetta gerir English Tea Shop að einum öflugasta og framsæknasta teframleiðanda heims.