Innnes valið markaðsfyrirtæki ársins hjá Hero Global Export

Hero Global Export sem m.a. á vörumerkið Corny hefur valið Innnes ehf “BEST GLOBAL BUSINESS PARTNER OF THE YEAR 2021” fyrir framúrskarandi markaðsstarf og uppbyggingu Corny vörumerkisins á Íslandi.

Innnes var valið úr hópi 150 viðskiptaaðila Hero Global Export þar sem horft var til margvíslegra þátta markaðsstarfs og frammistöðu á viðkomandi mörkuðum.

Það er Innnes mikill heiður og ánægja að taka við þessum verðlaunum.

Í tilefni af viðurkenningunni kom alþjóðleg sendinefnd frá Hero Global Export í heimsókn til Innnes á dögunum til að veita viðurkenninguna ásamt því að skoða nýtt hátæknivöruhús Innnes og sjá stöðu Corny á íslenska markaðnum.

Hér má sjá mynd af Magnúsi Óla, forstjóra Innnes og Árna Arnórssyni, markaðsstjóra hjá Innnes ásamt sendinefnd Hero Global Export í vöruhúsi Innnes.