Tilkynning vegna breytingar á geymsluþoli Corona Cero 0,0%

Tilkynning vegna breytingar á geymsluþoli Corona Cero 0,0%

AB InBev, framleiðandi vörunnar Corona Cero 0,0%, hefur með gæðaprófunum staðfest að geymsluþol vörunnar frá framleiðsludegi megi lengja úr 6 mánuðum í 12 mánuði. Þær birgðir sem Innnes ehf hefur verið með í dreifingu undanfarna 4 mánuði voru upphaflega merktar með 6 mánaða geymsluþol en bera nú best fyrir merkingar sem endurspegla niðurstöður þessara gæðaprófana.

Endurmerkingin var unnin samkvæmt leiðbeiningum frá Heilbrigðiseftirliti Reykjavíkur.

Umræddar birgðir voru áður með best fyrir dagsetningu 14/03/2023 en eru nú merktar 14/09/2023.

Upphaflegt lotunúmer er óbreytt á umbúðum til að tryggja rekjanleika.