Styrktarbeiðnir

Innnes styrkir fjölmörg málefni á hverju ári og þrátt fyrir að öll erindi verðskuldi athygli þá viljum við að gefnu tilefni taka fram að við styðjum eingöngu félög eða samtök en ekki einstaklinga og þá er áhersla lögð á að styrkja barna-, unglinga- og æskulýðsstarf ásamt líknar- og góðgerðamálum.

Vegna fjölda styrktarbeiðna tökum við aðeins á móti beiðnum sem koma í gegnum umsóknarformið hér að neðan, styrkir eru ekki afgreiddir í gegnum síma eða tölvupóst beint á starfsmenn.

Við óskum eftir því að því málefni eða viðburður sem sótt er um styrk fyrir sé lýst á greinargóðan hátt en það gerir okkur kleift að velja beiðnir sem uppfylla skilyrði okkar fyrir styrkveitingu.

Athugið að ferli styrktarbeiðna innan Innnes tekur allt að 10 virka daga og er aðeins þeim svarað sem hljóta styrkveitingu. Ef svar hefur ekki borist innan 14 daga ber að líta svo á að beiðni hafi verið hafnað. Til að tryggja að Innnes geti veitt styrki og unnið af fagmennsku er okkur ekki unnt að styrkja viðburði sem halda á innan við 5 virka daga frá því að styrkbeiðni berst.

Að lokum viljum við taka fram að Innnes heldur skrá yfir styrki sem fyrirtækið hefur valið að veita. Í skránni er m.a. haldið utan um nafn félags eða samtaka sem hljóta styrk, kennitölu, nafn viðburðar og markmið ásamt öðrum upplýsingum sem styrkbeiðandi lætur í té með styrkbeiðninni. Skráin er eingöngu til afnota fyrir Innnes og er ekki notuð í öðrum tilgangi en þeim er varðar styrkveitingar félagsins.