Parmesanhjúpaður hvítur fiskur

Hve margir eru í mat?

Hráefni

• hvítur fiskur 2.5 kg
• Heinz majónes 800 gr
• Parmareggio Parmesanostur 250 gr
• hvítlauksrif 7 stk
• Panko brauðrasp 3.5 dl
• fersk steinselja 50 gr
• sítróna, safinn 1 stk
• salt og pipar, eftir smekk
• Meðlæti:
• Ferskt salat
• Kartöflur
• Filippo Berio hvítlauksolía
• Parmareggio Parmesanostur, eftir smekk
• sítróna
• smjör til steikingar

Leiðbeiningar

• Skerið fiskinn í jafna bita og kryddið með salti og pipar báðum megin.

• Sjóðið kartöflurnar þar til þær eru nánast tilbúnar og takið til hliðar.

• Blandið saman í skál majónesi, parmesanosti, hvítlauk, steinselju, sítrónusafa, salti og pipar eftir smekk og að lokum raspi.

• Setjið fiskinn í eldfast mót eða á ofnplötu.

• Smyrjið vel af blöndunni á hvern bita og kryddið með salti og pipar.

• Bakið í ofni við 180°C í ca 12-15 mínútur eða þar til fiskurinn er fulleldaður.

• Steikið kartöflurnar upp úr smjöri á pönnu í 3-5 mínútur til að fá smá lit og hjúp á þær á meðan fiskurinn er í ofninum.

• Bætið að lokum hvítlauksolíu á pönnuna með kartöflunum ásamt salti og pipar og steikið í 1 mínútu.

• Kreistið sítrónu yfir, bætið rifnum parmesanosti við og berið fram.