Abadal

Víngerðin Abadal með það að markmiði að hlúa að og um leið hámarka hina gríðarlegu möguleika til vínræktunar sem felast í El Bages-héraði í Katalóníu. Vínin frá Abadal endurspegla fyrir bragðið anda og persónuleika Bages. Abadal byggir á víngerðarhefðum sem eiga sér 900 ára sögu og sem fyrr mætast þar nýsköpun og virðing fyrir ævagömlum hefðum. Vínin frá Abadal eru kraftmikil og rík af karakter, og kalla fram tilfinningar sem endurspegla hið skógi vaxna landslag sem umlykur vínekrurnar og víngerðina.

Leiðarljós Abadal hefur frá stofnun árið 1983 verið að leggja áherslu á ræktun og vinnslu vínviðar sem á rætur að rekja í El Bages; þannig sé auðveldast að framkalla einkenni héraðsins, jarðveg, veðurfar, landslag. Þrúgurnar Picapolla, Mandó og Sumoll eru lýsandi dæmi um þetta – þær gefa af sér vín, staðbundnar afurðir, sem endurspegla sitt heimaland með skýrum hætti.

Um leið og sagan er í öndvegi hjá Abadal hefur víngerðin um leið rutt brautina í margs konar nýsköpunarverkefnum fyrir framleiðslu víns. Þar á meðal eru rannsóknir og prófanir til að endurreisa og rækta gleymd afbrigði þrúgna úr héraðinu. El Bages er landsvæði sem hefur hverfst um vínrækt frá örófi alda og Abadal er ein nokkurra víngerða sem tilheyra Bodegas Roqueta, en sú fjölskylda hefur ræktað vín á svæðinu síðan á 13.öld.