Agwa

AGWA er jurtalíkjör frá Bólivíu, framleiddur úr bólivískum kóka-laufum og blöndu af 36 öðrum sérvöldum jurtum og grösum. Þessi sérstæði drykkur inniheldur 40 grömm af kóka-laufum á hvern lítra en meðal annarra jurta sem notaðar eru við lögunina eru Amazon Guarana, argentískt Black Mountain te og kóreskt Ginseng. Bragðið er margslungið, sæt-beiskt og felur í sér fjölþætta sinfóníu af hinum margvíslegu jurtum.

Aðeins eru handvalin hágæða kóka-lauf sem ræktuð eru í Andes-fjöllunum í um 2000 metra hæð yfir sjávarmáli. Að því loknu eru þau flutt undir vopnaðri gæslu til Amsterdam þar sem framleiðslan fer fram. Þess má svo aftur á móti geta að kókaín-eindirnar eru fjarlægðar meðan á vinnslu laufanna og framleiðslu drykkjarins stendur og AGWA inniheldur ekkert kókaín, svo því sé haldið til haga.

AGWA er einstaklega heppilegur drykkur í kokteilagerð enda hentar hann í allra handa blöndur. Einnig er hann frískandi og góður einn og sér sem skot, og bestur er hann borinn fram vel kældur.