Alphart

Alphart víngerðin er rótgróið fjölskyldufyrirtæki með aðsetur í hjarta Traiskirchen, í héraðinu Thermen í Austurríki. Byggingin hefur á sér allanga sögu en hefur í seinni tíð bæði verið gerð upp og stækkuð, ekki síst með það fyrir augum að vera betur í stakk búin til að taka á móti gestum. Í dag er hægt að heimsækja víngerðina, vínkrá staðarins, vínbúðina og síðast en ekki síst vínkjallarann þar sem margs konar viðburðir eru reglulega skipulagðir.

Landfræðileg og veðurfræðileg sérkenni Thermen-svæðisins gera Alphart kleift að framleiða fáguð hvítvín jafnt sem kraftmikil rauðvín. Næringarríkur jarðvegurinn inniheldur mikið af kalksteini gefur þrúgunum Rotgipfler, Zierfandler og Chardonnay framúrskarandi skilyrði til að þroskast sem best, á meðan krítarkennt malargrjót hentar best fyrir þrúgurnar Zweigelt og Pinot Noir.

Vínekran er í yfirumsjá Lorenz Alphart og í ræktuninni fara saman nýjustu umhverfisstaðlar, hefbundnar ræktunar- og vinnsluaðferðir og svo nýjasta tækni. Lorenz fer ennfremur fyrir víngerðinni og er að sama skapi vínkjallarameistari, á meðan Cathi systir hans stýrir eldhúsi staðarins en sælkeramatur úr staðbundnu hráefni er órjúfanlegur hluti upplifunarinnar. Robert faðir þeirra er forstjóri Alphart og stýrir rekstrinum. Þessar tvær kynslóðir vinna saman öllum stundum við að hámarka gæði vínsins og upplifunar gestanna sem til þeirra koma.