Auchentoshan

Auchentoshan er um margt sérstæð viskígerð. Á meðan langflestar viskígerðir Skotlands (bæði þær sem eru á fasta landinu og eins þær sem eru á Islay) leggja áherslu á að minna sem oftast á að þær séu staðsettar úti í sveit, fjarri mannabyggðum, þá undirstrika þeir hjá Auchentoshan að þeir séu úr borg. Einnig þykir flestum viskísortum mikil upphefð að því að vera Hálandaviskí (Single Highland Malt) en Auchentoshan stæra sig þvert á móti af því að vera úr Láglöndunum, ein örfárra skoskra viskígerða af því svæði. Þeir hjá Auchentoshan eru staðsettir í úthverfi Glasgow, viðmótið það sem kallast á ensku streetwise, og leggja áherslu á að þeir séu hluti af borginni, rétt eins og borgin er hluti af þeim.

Þeir taka viskígerðina alla engu að síður mjög svo alvarlega.

Það sýnir sig ekki síst í þeirri staðreynd að viskíið frá Auchentoshan er þrí-eimað meðan aðraviskígerðir láta duga að eima sitt viskí tvisvar. Afraksturinn er sérlega mjúkt en bragðmikið viskí. Þa tekur lengri tíma, og kostar meira. En er að þeirra mati samt sem áður þess virði. Útkoman er viskí sem hefur til að bera silkimjúkt bragð sem heillar þá sem vanir eru viskíi, en skartar einnig aðgengilegum léttleika sem fellur óvönum vel í geð. Þannig hefur það alltaf verið, allt frá stofnun Auchentoshan árið 1823.

Það er erfitt bera nafnið fram, enn erfiðara að búa til viskíið.

En að njóta þess er leikur einn.

Hvernig á að bera fram nafn Auchenstoshan?