Can Calet

Embotits Can Calet er fjölskyldufyrirtæki sem hefur sérhæft sig í framleiðslu á Chorizo-pylsum og Serrano skinku. Fyrirtækið býr yfir margra kynslóða reynslu á sínu sviði enda er glæsileg útkoman eftir því. Embotits Calet er staðsett í Olot í Katalóníu og þaðan kemur einnig Serrano skinkan sem er létt söltuð og síðan látin hanga í að lágmarki 14 mánuði til þurrkunar. Staðsettning framleiðslunnar er ekki valin af handahófi heldur með tilliti til þess að ná fram sem bestum gæðum vörunnar þegar þurrir vindar Pýreneafjallanna blása niður dalinn og leika um þurrkhúsin.