Dolceria Alba

Það er okkur sönn ánægja að kynna Dolceria Alba fyrir viðskiptavinum okkar, en fyrirtækið er einn fremsti framleiðandi Ítalíu á frosnum gæðaeftirréttum. Frá stofnun árið 2006 í Torino, hjarta Piedmont-héraðsins, hefur Dolceria Alba lagt metnað sinn í að færa heiminum ósvikna ítalska bragðupplifun þar sem hefðbundið handverk mætir nútíma nýsköpun.

Galdurinn á bak við vörurnar liggur í einfaldleika og gæðum og notar fyrirtækið eingöngu úrvals hráefni. Hver eftirréttur er unninn með virðingu fyrir ítalskri matreiðsluhefð. Hvort sem um er að ræða loftkennt Tiramisú, dýrindis Meringata eða klassískt Cremosa, þá er bragðið nákvæmlega eins og það gerist best á ítölskum veitingahúsum. Með því að nota háþróaða hraðfrystingu tekst Dolceria Alba að læsa inni ferskleika, áferð og bragð. Þetta tryggir að eftirrétturinn er eins og nýgerður þegar hann er borinn fram.