Ginger Joe

Það býr sprelllifandi þjóðsaga að baki hinum bráðhressandi engiferbjór, Ginger Joe, nánar tiltekið goðsögnin um „Ginger“ Joseph Stone. Ginger Joe þessi var í meira lagi litríkur karakter, aðallega þekktur fyrir grænmetið sem hann seldi og svo gríðarlega myndarlegt yfirskegg. Hann var þekktur fyrir óbilandi trú og ást á engife og því sterka bragði sem það ber með sér. Á því herrans ári 1740 kom svo að því að Ginger Joe lagaði engiferdrykk sem var að sögn svo logandi sterkur að endarnir sviðnuðu af yfirskegginu! Svo segir að minnsta kosti sagan af Ginger Joe og fyrsta engifer-svaladrykknum. Þessi saga er varðveitt í merki engiferbjórsins sem framleiddur er í dag, því lógóið er yfirvaraskegg með loga í endunum.

Ginger Joe engiferbjórinn er sérlega hressandi sem drykkurinn til að opna kvöldið með, hann tekur framúrskarandi vel við ís og er bestur vel kaldur. Þá gengur hann prýðilega í hvers konar kokteila og fjölhæfni Engifer-Jóa er engu lík þegar kemur að því að blanda. Grundvallaratriðin eru þó eftir sem áður þessi:

• Smakkið Ginger Joe á glasi fullu af ís
• Hefjið hann á æðra stig með sneið af sítrónu eða lime
• Styrkið hann með skvettu af sterku áfengi
• Látið hann ljóma með jarðarberjum eða mintulauf