John Stone

Nautakjötið frá John Stone er látið þurrmeyrna (dry aged) í 21 til 28 daga. Allir vöðvar eru sérvaldir úr fitusprengdum írskum nautgripum sem eingöngu hafa verið fóðraðir á grasi. Gripirnir eru í lausagöngu um 300 daga á ári.

Nautakjötið frá John Stone er margverðlaunað hefur meðal annars hlotið gullverðlaun í Wolrd Steak Challenge 2017-2018-2019

Kjötið sem selt er undir merkjum John Stone er handvalið af reynslumiklum kjötskurðarmeisturum John Stone og einungis 12% af 330.000 gripum standast þær kröfur sem gerðar eru til vörumerkisins. Annað kjöt fer í almenna sölu.

Við þurrmeyrnun er kappkostað að ná fram tveimur lykil þáttum annarsvegar meiri mýkt í kjötið og hinsvegar að draga fram bragðgæðin í kjöti og fitu. Það má segja að þessi atriði náist fullkomlega með vörum John Stone.

Hjá John Stone leggja allir sig fram við að bjóða viðskiptavinum upp á  nautakjöt sem framleitt er eftir ströngum hefðum og metnaðarfullu handverki sem skapast hefur með áratuga reynslu.

Við framleiðsluna stytta menn sér aldrei leið hvorki með saltblokkum, Sake, korni eða nuddi árangurinn næst með viðurkenndum hefðum, tíma og natni við hráefnið.

Fjöldi stjörnuprýddra veitinghúsa og hótela víða um heim bjóða að staðaldri upp á nautakjöt frá John Stone þar sem aldrei þarf að draga gæði eða rekjanleika vörunar í efa.