Jura Whisky

Þegar talað er um skosk eyjaviskí er skiljanlegt að flestir fá þá miklu viskíeyju Islay upp í hugann. Það má þó ekki gleyma því að fleiri eyjur undan ströndum Skotland hafa að geyma framúrskarandi viskígerðir. Þar á meðal er eyjan Jura, sem liggur þétt upp að Islay. Eyjaskeggjar segja staðinn heim út af fyrir sig, og það má til sanns vegar færa því veðurfarið er talsvert frábrugðið því sem þekkist á meginlandinu, fólkið að sama skapi af sérstakri sort og síðast en ekki síst – viskíið er engu öðru líkt.

Aðeins eitt smáþorp er á eyjunni og þar standa nokkur fallega hvítkölkuð hús í þyrpingu, þeirra á meðal Jura viskígerðin. Það blasir við hversu mikilvægt þetta fyrirtæki er fyrir þá litlu veröld sem eyjuna byggir. Í þorpinu er ein gata, ein krá og ein viskígerð. Virðist frekar lítið en er engu að síður alheimur eyjaskeggja. Þeir telja rúmlega tvöhundruð manns og Jura viskíið er eitt þeirra mesta stolt.

Viskígerðin var sett á stofn árið 1810 en varð gjaldþrota um aldamótin 1900. Í meira en 60 ár lá húsakosturinn undir skemmdum en andi Diurach (eins og eyjan heitir á forn-gelísku) lifði þó áfram og árið 1963 tóku íbúar eyjunnar sig saman og endurreistu viskígerðina til að auka atvinnu og tekjur á eyjunni. Síðan hefur viskígerðin ekki slegið feilpúst og samstaða eyjabúa sem fyrr óhagganleg.

Grunntegund Jura viskís er einstaklega bragðgott og aðgengilegt viskí, og meðal bragðtóna eru kanill, perur, pekanhnetur og rjómakaramella.