Nicolas Feuillatte

Velgengni kampavínsins Nicolas Feuillatte er um leið saga og sigurganga tveggja framsýnna frumherja. Sú saga hefst þegar þeir Nicolas Feuillatte, stofnandi fyrirtækisins og slyngur kaupsýslumaður, og svo Henri Macquart, stofnandi regnhlífarsamtaka kampavínsbænda í Champagne-héraðinu í Búrgúnd, Frakklandi. Hugsjón þeirra var að framleiða kampavín í allra hæsta gæðaflokki sem engu að síður væri aðgengilegt öllum þorra almennings.

Nicolas Feuillatte er þannig einstakt viðskiptamódel meðal kampavínsfyrirtækja þar sem styrkurinn liggur í sameiginlegu verkefni 4500 vínræktenda sem staðsettir eru vítt og breitt um Champagne-héraðið. Í framleiðslu Nicolas Feuillatte koma því saman bragð og sérkenni ótrúlegs fjölda af þrúgum, þar sem í aðalhlutverki eru chardonnay, pinot noir og meunier. Þær fá því að láta ljós sitt skína og útkoman er vandlega samsett vín sem endurspeglar jafnvægi, fágun og ferskleika þessa einstaka landsvæðis.

Chardonnay-þrúgan leggur til léttleika og blómlega ávaxtatóna þar sem nánast kvenlegur fínleiki er ríkjandi, á meðan pinot noir felur í sér nótur af rauðum ávöxtumkröftuga byggingu og karlmannlegri nærveru. Meunier er loks uppfullt af ljúffengum ávaxtakeim sem nær allt frá gulum aldinum yfir í sítrus. Þar með er kominn lokaþátturinn sem bindur heildina saman með ómótstæðilegum hætti.