Te & Kaffi

Te & Kaffi er íslenskt fjölskyldufyrirtæki stofnað árið 1984. Kjarnastarfsemi fyrirtækisins er framleiðsla á kaffi og rekstur kaffihúsa sem í dag telja átta talsins.

Allt kaffi frá Te & Kaffi er ristað á umhverfisvænan hátt með metangasi sem verður til úr lífrænum úrgangi frá gas- og jarðgerðarstöð Sorpu (GAJU). Kaffiumbúðirnar eru úr lífrænum efnum og flokkast með lífrænu eða almennu þar sem þær brotna niður á sambærilegum tíma og margur annar lífrænn úrgangur. Um 80% af öllu kaffi frá Te & Kaffi er ræktað á sjálfbæran og rekjanlegan hátt.

Te & Kaffi er með fjölbreyttar kaffitegundir fyrir fyrirtækja- og veitingamarkað. Allt frá meðalristuðu kaffi frá Mið-Ameríku yfir í dökkristað kaffi í anda ítalskrar kaffimenningar. Það ættu allir að finna eitthvað sitt hæfi.