Vöru bætt við körfu
The Macallan
Skotland er upprunaland vískísins og þangað eiga margar af öndvegisviskítegundum heimsins rætur sínar að rekja. Skosku hálöndin eru þar einna atkvæðamest og svæðið í kringum ánna Spey er án vafa í mestum metum hjá viskíunnendum enda er þar að finna mörg bestu brugghúsin. Þar á meðal er The Macallan, eitt af öndvegisviskíum veraldar.
The Macallan hefur verið í framleiðslu síðan árið 1824 og hefur frá upphafi átt heimili sitt í Easter Elchies House. Þó húsakostur framleiðslunnar sé í dag talsvert umfangsmeiri stendur fyrirtækið vörn um arfleifðina og ber ríka virðingu fyrir upprunanum. Easter Elchies House, sem reist var árið 1700. er því það sem kallast „The Spiritual Home of Macallan“ og er ein af sex meginstoðum hins vinsæla vískís. Meginstoðirnar sex hjá The Macallan eru eftirfarandi:
*Heimilið – Easter Elchies House. Þar sem hið víðfræga viskí varð til fyrir 190 árum síðan – þar sem hjartað slær.
*Óvenju litlir eimarar – ástæða þess hve margslungið, flauelsmjúkt og ávaxtakeimað viskíið er.
*Úrvalseiming – aðeins 16% af lokaeimingunni fær að fara á eikartunnur. Það besta af því besta.
*Afburða eikartunnur – The Macallan leggur meira upp úr að finna, smíða og þroska eikartunnurnar sínar en nokkur annar viskíframleiðandi.
*Náttúrulegur litur – hinn margslungni litur viskíanna frá The Macallan kemur aðeins og eingöngu frá viðnum sem er að finna í hinum afburða eikartunnum.
*Viskíið sjálft – The Macallan, hið óviðjafnanlega viskí, eitt af öndvegisviskíium heimsins.
Ekki er með fullri vissu vitað hvaðan nafnið, The Macallan, er komið. Þó er talið líklegast að orðið sé samsett úr tveimur orðum úr forn-gelísku. Annars vegar „Magh“ sem merkir frjósamur jarðvegur og svo „Ellan“ sem dregið er af St Fillan, en hann var írskur munkur sem ferðaðist um Skotland landshorna á milli til að boða kristna trú á 8. öld. Fyrir þá sem velta því fyrir sér hvaðan orðið „whisky“ er komið þá liggur uppruni þess einnig í forn-gelísku; aqua vitae, eða lífsins vatn, er „uisge beatha“ á gelísku og fyrri hlutinn varð að því orði sem á íslensku er „vískí“.
